G10) Performance vum S&P500, den gréissten 500 Firmen aus den USA. Säit 1957 huert dësen am Duerchschnëtt knapp ënner 10% rentéiert, an domat d'Inflatioun méi wéi kompenséiert. Dëst trotz allen Crisen an Turbulenzen (2 Ueleg-Kriesen, Kricher am noen Osten, 9/11, Dot-Com Bubble, Weltfinanz-Crise, Euro-Crise, Corona Pandemie etc.). Muss sech dat an Zukunft widerhuelen? Dofier gëtt et keng Garantie. Waat mer awer mat Sëcherheet wëssen, eis Fiat Währungen entwäerten haut an engem Rekord-Tempo, gedriwen vu Staaten déi Rekord-Scholden am Verhältnis zu hierem BIP hunn. Gläichzäiteg leeft den S&P500 vu Rekordhéisch op Rekordhéisch, wisou awer? Bildlech geschwat, wierken ëmmer méi Scholden bäi niddregen Zensen wéi Rëckenwand oder eng niddreg Schwéierkraft op Sachwerter. Firmen wuessen, sinn innovativ an erwrtischafte normalerweis ëmmer méi Emsatz a Gewënn. Gläichzäiteg ginn se awer an Euro oder Dollar gemooss, a wann eng Firma haut nach souvill wäert soll sin wéi virun engem Joer, dann muss een haut dofier mat méi Euro bezuelen wéi nach virun engem Joer. Den Asselborn huert, an engem aneren Kontext, eppes passendes gesoot: "Man bekommt die Zahnpasta sehr einfach aus der Tube, aber nicht mehr rein". Genau sou ass et mat eisen Scholden och, mir hunn eis dru gewinnt all Problem kuerzfristeg mat neiem Geld ze läschen.
G11) Och bäim Edelmetall Gold ass en langfristeg konstanten Ustiig am Präis ze gesin. Wéi kann daat sin. Während Immobilien an Aktien nach en intrinseschen Wert hun, Renditen erwirtschaften en a Form vun Loyer an Dividenden, huert Gold, ähnlech wéi Bitcoin, keen intrinseschen Wäert. E Kilo Gold gëtt weder méi grouss, nach wërft en Dividenden oof. En huert awer Attributer déi en interessant maachen. En ass fälschungssëcher, spillt eng historesch Roll als Tauschmëttel a Wertspäicher säit dausenden vu Joren, an ass an a senger Stëckzuel begrenzt. Doduerch ass Gold oder Bitcoin net wéi Fiat-Geld einfach beliebeg ze vervillfachen, sie sin an hierer Offer soit fixe oder relativ inelastesch. Dass Gold aktuell sou staark nogefroot ass, virun allem och vun Zentralbanken weltwäit, ass e Symptom vum wuessenden Vertauensverloscht an eis Fiat-Währungen. Dës Währungen sin absolut net kloer limitéiert, mee je no politeschem Bedarf onendlech auswäitbar, de genauen Contraire also zu Gold. Bäi enger neechster Kris, egal op wirtschaftlecher oder finanzieller Natur, enger neier Pandemie, Krich, oder am Kontext vum Klimawandel, den Ooflaaf wärt ëmmer den nämmlechten sin. Mir brauchen méi Scholden, "whatever it takes", de System gëtt um Liewen gehal. Historesch war dat emmer rem eis eenzeg Äntwert, de Problem mat nach méi Geld kurzfristeg ze läschen. Säit der Finanz-Kris sin Zentralbanken doran awer net just méi alerte an aktiv ginn, mee se hun och ganz nei Methoden, Stechwuert "Quantitive Easing". Doduerch gi Staaten problemlos mat neiem Geld, bzw. neie Scholden versuergt. Den Staat huert jo selwer kee Geld, just dat wat en iwwer Steieren vun den Bierger asammelt, kann en theoretesch och ausgin. Alles doriwer hinaus ass finanzéiert duerch Scholden, déi aktuell Bierger a kommmend Generatiounen iergendwann oofbezuelen mussen. Well daat ganzt jo awer lo schon net méi opgeet, finanzéieren mir eis al Scholden & Zënszuelungen ganz einfach deelweis mat nach méi neien Scholden! Extrem nohalteg oder? Dat ganzt finanzéiert vun Zentralbanken déi eis Staats-Scholden och dann nach um Marché opkafen, wann et sos keen méi mëcht! Bäi Obligatiounen ("Anleihe" oder "Bond") hun Präis an Zëns eng invers Relatioun. Zentralbanken halen also mam Opkafen vun Staatsschold, d'Zënsen déi d`Staaten bezuelen mussen, künstlëch déif. Sos wieren Staats-Haushält weltwäit nach méi iwerlaascht.
Conclusioun: Eise globalen Finanz-System, ass weder gesond, nach nohalteg. De Patient gëtt künstlech um Liewe gehal, de Ballon gëtt ëmmer weider mat neiem Geld opgepompelt. Wou geet dat hin? Wat ass d'Resultat dovun? Wat heescht daat vir perséinlecht Verméigen? Wéini kënnt den Dag wou de System kollabéiert? Menger Meenung no gëtt de System soulaang wéi nëmme méiglech um Liewe gehal, mir sinn eben alternativlos. De ganze System ze crashen hätt fatal Folgen, virun allem Gesellschaftlech. D'Fortféiren vum System féiert allerdéngs och zu kriteschen Entwëcklungen, virun allem ebe vir Leit déi näischt kënnen investéieren, well se keng Récklagen hunn. Inflatioun trëfft dës Leit am häertsten, si kënne sech net schützen. E sozialt Thema wéi bezuelbare Wunnraum, ass eng zimlech direkt Konsequenz vum jorzéngtelaangen Liewen op Pomp. Mir hunn iwert eise Verhältnisser gelieft, Geld ausginn wat mir guer net haten. All privat Persoun wier lo faillite. Mais eng privat Persoun huet och keng Zentralbank hannert sech stoen, mat onendlecher Munitioun. Regierunge weltwäit missten onpopoulär an haart Reformen duerchféieren, vir eise System rëm nohalteg ze gestalten. Domat gëtt een awer kuerzfristeg relativ schwéier gewielt. Ech erwaarden also eng Fortsetzung, a souguer eng weider Verschlëmmerung vum System, eleng duerch den exponentielle Faktor.
Déi gutt Noricht ass allerdéngs, dir braucht net vill Geld vir Eech ganz entspaant a laangfristeg e Verméigen opzebauen. Ganz ouni sech vill mam Thema Investéiere mussen auserneen ze setzen, d'Norichten deeglech ze verfollegen, oder an iergendenger Form mussen ze spekuléieren. Et ass zwar bequeem de Problem privat ze ignoréieren, et kascht Eech awer e Verméigen!
G12) Ugefaang mat 5.000€ , ween all Mount 250€ investéiert, wärend engem Zäitraum vu 25 Joer, dann entsteet aus 80.000€ déi abezuelt goufen um Enn en totale Montant vu knapp 400.000€. Dat ass d'Muecht vum Zënseszëns (laut Albert Einstein dat aacht Weltwonner), wann de Schnéiball bis rullt, sammelt en exponentiell Masse un. Mir Mënschen dinn eis schwéier wann et iwwer dat lineaart hinaus geet (mir verstinn a kënnen eis eppes wéi 2 + 2 + 2 + 2 + 2 + 2 virstellen, mais däitlech méi schlecht 2 x 2 x 2 x 2 x 2 x 2...). Déi läscht Hürd vir vill Leit ass dann oft nach déi mental, d'Angscht viru Krisen an d'Feelen vun engem Plang wann se antrëfft. Op der Bourse an och sos gëtt ni méi Geld verdéngt wéi direkt no Krisen. An sou Phase gëtt oft den Grondsteen vir Verméige geluecht, et gin awer och aus Angscht fatal Feel-Entscheedunge getraff, déi Leit ëm Joren nohanne geheie kënnen. Daat chineesescht Schrëftzeeche vir Kris, 危机, "Wéiji", besteet aus zwee Deeler, "wéi" steet vir Gefor & Risiko, wärend "ji" op Chancen & Opportunitéiten hiweist. Genau sou muss een et gesinn, wann op der Tankstell Solde wieren, géif och jiddereen dohi fueren, souguer bäi nach hallef vollem Tank. Genau sou muss een et gesinn wann et op der Bourse mol rëm top Qualitéits-Aktien zu 20-30% Discount gëtt! Den absolute Normal-Fall op der Bourse sinn historesch awer net d'Krisen, mee d'Erreechen vun Rekord-Héisch no Rekord-Héisch. Krisen kommen zwar ëmmer rëm, si laangfristeg awer konstruktiv, berängegen den Maart, a brëngen Chancen mat sëch. Den Normalfall awer, Rekord-Juegd no uewen, ass gedriwwen vu sech konstant entwäertenden Fiat Währungen, gekoppelt mat der Innovatiouns- a Wuesstums-Kraaft vu globalen Top Firmen. Duerch nei Technologien an domat verbonne Produktivitéits-Gewënn kënne Fimen laangfristeg Wuessen, an domat net just Wäert vir hier Aktionären erwirtschaften. Dir musst verstoen, mir moossen alles an Euro, dat ass eisen Denominateur. Eisen Denominateur ass awer futti, bzw, gett ëmmer méi kleng. Als Konsequenz gett d'Resultat hannert dem Broch emmer méi grouss, alles gett an Euro gerechent konstant an ëmmer méi deier!
Profitéiert vun eiser Expertise, kontaktéiert eis a mir kucken GRATIS ob eng Zesummenarbescht Sënn mëcht!
+ 621 727 286
info@spuerplang.lu
Wichtegen Disclaimer:
Spuerplang offréiert weder "conseil d'investissement personnalisé", nach Verméigensverwaltung oder Finanzberodung! Konform mat den Gesetzer iwert den Finanzsektor, den Oplagen vun der CSSF a MiFld ll, ass de Contenu reng informativer & éducativer Natur. Doriwer hinaus baséiert de Contenu op perséinlecher Meenung. Berodung ass wann dann just allgemeng gülteg, a soll nie als Opruff zum Kaf oder Verkaf vun Ulagen verstan gin. Investitiounen biergen Risiken, am schlëmmsten Fall souguer een Totalverloscht. Spuerplang haft net vir eventuell Verloschter.